مرحبا فيكم خواتي واخواني
أود أن أنصح جميع الأمهات والآباء
التبإصطحاب أولادهم إلى "مواقع طفل المستقبل" لأنه بالفعل مكان مميز ليمضي فيه
الأولاد وقت جميل وطويل ، فأنا أم دائما اسافر وقت عطلة الصيف وفي هالسنة
ماقدرت اطلع من الكويت ولدي ثلاثة أولاد بالصف الثامن والصف الثالث
واصغرهم في الصف الاول.
كنت أفكر وين ممكن اخذ اليهال في مكان واحد
يستمتعون فيه رغم اختلاف اعمارهم و اهتماماتهم خصوصا ان المدارس قرب وقتها
وكنت احتاج اكافئهم على نجاحهم قبل الرجوع للدراسة والاختبارات وبالفعل
اخبرتني صديقة العمر عن موقع كبير لطفل المستقبل في سوق السالمية وتفاجات
صراحة بمساحة الموقع لان موقع المثنى كان صغير والعابه تناسب الصغار
بالعمر واللي لفت انتباهي تنوع الالعاب المعلقة والالوان البراقة وفجاة
اللي ركض يلعب في العاب الفيديو جيم والمسدسات والثاني ركض بسرعة لسيارات
التصادم والصغير فضل انه يناقز في الترامبولين لا وحصلت على سكوتر لما
شحنت البطاقة ب8 دنانير وصورت معاهم في لعبة التصوير بعدها رحنا المطاعم
تعشينا وردينا مافينا حيل للشيطانة كان يوم طويل بس انا استرجعت فيه
ذكريات اللعب اه ياليت ارجع ياهل العب واناقز بس بدون اي مسئوليات
وسلامتكم يالله قلت اشارككم في جربة وعليكم بالعافية [وحدهم المديرون لديهم صلاحيات معاينة هذه الصورة]
