قصيدة ما تعرف نحنا من نحنا

ماتعرف نحن من نحن......اسباب شقاك..انت وعيالك ياهرواك

هاذول ضنى عيسى الوكواك...تريس يظهر في وقت المحنة

نحن هم همك...نحن اللي نشفنا دمك

نحن اسباب كداك وغمك...وماتعرف نحن من نحن

اسباب اهمومك...نحن اللي طيرنا نومك

نحن كسارين اخشومك...ماتعرف نحن من نحن

نحن فرسان...اسباب هلاكك ياجبان

تريس عتل مانا جرذان...وياويلك كان اتواجهنا

نحنا هل برقة...نحن اللي درنالك حرقة

في جوفك تحدر ماترقى....نين اتعدي واتريحنا

نحن مصراته ...خشمك ياتافهه واطاته

احنا ككلة واحنا الزناته...وماتعرف نحن من نحن

نحن نالوت..مع الزاوية نسقيك الموت

هاذول اسيادك ياشلتوت...وماتعرف نحن من نحن

احنا الرجبان....ارجال فراسين وشجعان

انموتوا في وسط الميدان...ولاشكلك يرجع يحكما

احنا فزان........... اللي محاصرها ياجبان

اللي فيها زارع خليان...وبالفتنه تبي اتفرقنا

الليبيين ...اللي ف طرابلس منحازين

اللي محاصرها يالعين...ويالقوة تبي تحكم

نحن اللي ثرنا....م البيضا والمرج ودرنه

وبنغازي نين تحررنا...وماتعرف نحن من نحن

نحن من طبرق...م القبة وشحات ولبرق

وجيشك من شيح وشبرق...يلي ف العالم فاضحنا

نحن سبايب عارك...نقصف لين اندمر دارك

نين تهرب واتشيل اصغارك...من ظلمك بيش اتريحنا

وماتعرف نحنا من نحنا

رووووووعه يعطيك ألعافيه ي روحي الصراااحه ابدعتي يالغلا

كلمات و حروف كالسحر

سلمت اناملك على الموضوع المتألق

بانتظار جديدك